Pages

പ്രവാസത്തില്‍ മധുരവും കയ്പുമുണ്ട്. മറുനാടന്‍ മലയാളികളെ പൊതുവെ മല്ലു എന്നാണ് വിളിക്കാറുള്ളതെങ്കിലും ഇവിടെ അവരെ മല്‍ബു എന്നു വിളിക്കുന്നു. തട്ടകം സൗദി അറേബ്യ..
അറബികള്‍ പൊതുവെ മലയാളികളെ മലബാരികള്‍ എന്നാണ് വിളിക്കാറുള്ളത്. അങ്ങനെ ഒരു സൗദി സ്‌നേഹത്തോടെ ഒരിക്കല്‍ വിളിച്ചു. മല്‍ബൂ..

March 20, 2011

മാസപ്പടി സര്‍വേ


ആര്‍ക്കും ഒഴിച്ചുകൂടാന്‍ പറ്റാത്തതാണ്‌ ഇക്കാലത്ത്‌ സര്‍വേ.
ഒന്നുകില്‍ നിങ്ങള്‍ അതില്‍ പങ്കെടുത്തിട്ടുണ്ടാകും, അല്ലെങ്കില്‍ നിങ്ങളറിയാതെ നിങ്ങള്‍ കൂടി അതില്‍ പങ്കെടുത്തതായി സര്‍വേ നടത്തിയവര്‍ പരസ്യപ്പെടുത്തിയിട്ടുണ്ടാകും.
എല്ലാവരേയും കണ്ട്‌ സര്‍വേ നടത്താന്‍ പറ്റില്ലല്ലോ? നൂറു പേരുണ്ടെങ്കില്‍ പത്ത്‌ പേരില്‍നിന്ന്‌ അഭിപ്രായം ശേഖരിച്ച ശേഷം നൂറു പേരുടേതായി കണക്കാക്കുന്നതാണ്‌ സാമ്പിള്‍ സര്‍വേ.
ചാനലുകള്‍ക്കും പത്രങ്ങള്‍ക്കും ആനുകാലികങ്ങള്‍ക്കുമൊന്നും അഭിപ്രായ സര്‍വേ ഒഴിവാക്കാനാവില്ല. ചില പണ്ഡിതരുടെ പ്രഭാഷണം ശ്രദ്ധിച്ചാല്‍ ഇടക്കിടെ സര്‍വേ എന്ന പദം പ്രയോഗിക്കുന്നതു കേള്‍ക്കാം. ഞാന്‍ നടത്തിയ ഒരു സര്‍വേയില്‍ കണ്ടത്‌, ഞാന്‍ നടത്തിയ ഗവേഷണത്തില്‍ മനസ്സിലായത്‌ എന്നൊക്കെയായിരിക്കും വെച്ചുകാച്ചുക. 
എത്ര ആധികാരികമെന്ന്‌ ശ്രോതാക്കള്‍ക്കു തോന്നാന്‍ ഇതിലപ്പുറമൊന്നും വേണ്ട.
സൗദിയിലെ ഇന്ത്യന്‍ സ്‌കൂളുകളിലെ ഫീസ്‌ വര്‍ധന വിവാദമായിരിക്കയാണല്ലോ. വര്‍ധന യുക്തിസഹമല്ലെന്നും അധ്യാപകരുടേയും അനധ്യാപകരുടേയും വേതനം വര്‍ധിപ്പിക്കാനാണെങ്കില്‍ നേരിയ തോതിലുള്ള വര്‍ധന മാത്രം നടപ്പിലാക്കിയാല്‍ മതിയെന്നുമാണ്‌ എല്ലാ സംഘടനകളും രക്ഷിതാക്കളും ആവശ്യപ്പെടുന്നത്‌. 
നൂറു റിയാല്‍വരെയുള്ള ഫീസ്‌ വര്‍ധനക്കുള്ള കാരണങ്ങള്‍ പറയുന്ന കൂട്ടത്തില്‍ വര്‍ധന താങ്ങാന്‍ കെല്‍പുള്ളവരാണ്‌ രക്ഷിതാക്കളെന്നും സര്‍വേയിലാണ്‌ ഇക്കാര്യം വെളിപ്പെട്ടതെന്നും ജിദ്ദ ഇന്ത്യന്‍ സ്‌കൂള്‍ പ്രിന്‍സിപ്പല്‍ പറഞ്ഞുവെച്ചു.
ജിദ്ദ സ്‌കൂളിലെ കുട്ടികളുടെ രക്ഷിതാക്കളില്‍ 30 ശതമാനം പതിനായിരം റിയാലിനു മുകളില്‍ മാസ വേതനം പറ്റുന്നവരും 30 ശതമാനം അയ്യായിരത്തിനും പതിനായിരത്തിനുമിടയില്‍ ലഭിക്കുന്നവരുമാണെന്നാണ്‌ സര്‍വേയില്‍ കണ്ടെത്തിയത്‌.
ബാക്കിയുള്ളവര്‍ അയ്യായിരത്തിനു താഴെ ശമ്പളം വാങ്ങുന്നവരാണെന്ന നിഗമനത്തിലെത്തണം. പതിനായിരത്തിനു മുകളില്‍ ലക്ഷംവരെ ആകാമെന്നതു പോലെ അയ്യായിരത്തിനു താഴെ ആയിരം വരെയുമാകാം.
സോഷ്യലിസ്റ്റ്‌ റിപ്പബ്ലിക്കായ ഇന്ത്യന്‍ പൗര�ാരെ ഉദ്ദേശിച്ചുള്ള സ്‌കൂളുകളായതിനാല്‍ അയ്യായിരത്തിനു മുകളില്‍ ശമ്പളം പറ്റുന്ന 60 ശതമാനത്തില്‍നിന്ന്‌ കൂടുതല്‍ ഫീസ്‌ ഈടാക്കി ബാക്കി 40 ശതമാനത്തിനു ഫീസിളവ്‌ നല്‍കണമെന്ന്‌ ഒറ്റ സംഘടനയും ആവശ്യപ്പെട്ടു കണ്ടില്ല. അതു മറ്റൊരു വിഷയം.
പരിചയമുള്ളവരും അല്ലാത്തവരുമായ കുറേ മല്‍ബുകളോട്‌ ചോദിച്ചുനോക്കി.
നിങ്ങള്‍ ആരെങ്കിലും ഈ സര്‍വേയില്‍ പങ്കെടുത്തിട്ടുണ്ടോ? മല്‍ബുകളല്ലാത്ത മറ്റു ഹിന്ദികളോടും ചോദിച്ചു നോക്കി. ആര്‍ക്കും ഒരറിവുമില്ല.
ഇനി കുട്ടികളോടായിരിക്കും രക്ഷാകര്‍ത്താക്കളുടെ വരുമാനം ചോദിച്ചിരിക്കുകയെന്നു കരുതി അവരോടും അന്വേഷിച്ചുനോക്കി. പക്ഷേ, നോ ഐഡിയ.
നേര്‍ക്കുനേരെ ശമ്പളം എത്രയെന്ന്‌ ചോദിച്ചാല്‍ ആരെങ്കിലും പറയുമോ? ആണുങ്ങളുടെ ശമ്പളവും പെണ്ണുങ്ങളുടെ പ്രായവും ചോദിക്കരുതെന്ന്‌ എല്ലാവര്‍ക്കും അറിയുന്ന കാര്യമല്ലേ?
അപ്പോള്‍ പിന്നെ സര്‍വേ ടെക്‌നിക്കുകള്‍ തന്നെയായിരിക്കും
ഉപയോഗിച്ചു കാണുക.
അങ്ങനെ ഒരു മല്‍ബൂനെ സംഘടിപ്പിച്ച്‌ ആ ടെക്‌നിക്ക്‌ പ്രയോഗിച്ച്‌ നോക്കി.
എന്താ പേര്‌?
അയമു.
വീട്ടില്‍ ഉപയോഗിക്കുന്ന ഭാഷ ഏതാണ്‌?
മലയാളം.
വേറെ ഏതൊക്കെ ഭാഷകള്‍ അറിയാം?
അറബി അറിയില്ല, ഇംഗ്ലീഷ്‌ അറിയില്ല, ഹിന്ദി അറിയില്ല.
എത്ര വര്‍ഷമായി സൗദിയില്‍?
25 കൊല്ലം.
വീട്ടില്‍ എത്ര മുറികളുണ്ട്‌?
രണ്ട്‌ മുറികള്‍. പിന്നെ ബാത്ത്‌ റൂം, കിച്ചണ്‍.
എത്ര ടി.വിയുണ്ട്‌?
മൂന്ന്‌ ടി.വി
എല്‍.സി.ഡി എത്രയെണ്ണം?
രണ്ടെണ്ണം എല്‍.സി.ഡി, ഒന്ന്‌ സാദാ.
വാഷിംഗ്‌ മെഷീന്‍ സാദയാണോ ഓട്ടോമാറ്റിക്കാണോ?
തുണിയിട്ടാ പിന്നെ ഉണങ്ങിയിട്ട്‌ പുറത്തേക്കെടുത്താല്‍ മതി.
കംപ്യൂട്ടര്‍ എത്രയെണ്ണമുണ്ട്‌?
രണ്ടെണ്ണം.
ലാപ്‌ ടോപ്പ്‌ ഉണ്ടോ?
ഇല്ല. ഞാനൊരു പഴഞ്ചനാ. കംപ്യൂട്ടറൊന്നും ഉപയോഗിക്കാനറിയില്ല. കുട്ടികള്‍ക്കാണ്‌ കംപ്യൂട്ടര്‍.
സ്വന്തമായി കാറുണ്ടോ?
ഇല്ല, മുതലാളീടേത്‌ സ്വന്തം ആവശ്യത്തിന്‌ ഓടിക്കും. ആശുപത്രിയിലും സ്‌കൂളില്‍ ഫീസടക്കാനുമൊക്കെ അതോടിച്ച്‌ പോകും.
എത്ര കുട്ടികള്‍ സ്‌കൂളില്‍ പഠിക്കുന്നുണ്ട്‌?
മൂന്ന്‌ പേര്‍.
നിങ്ങളുടെ ശമ്പളം അടുത്തുതന്നെ കൂടുമെന്ന്‌ പ്രതീക്ഷിക്കുന്നുണ്ടോ?
ഇല്ല. സാധ്യത കാണുന്നില്ല.
ഇപ്പോള്‍ നിങ്ങളുടെ ശമ്പളം എത്രയാ?
ശമ്പളമൊക്കെ ചോദിക്കുന്നതെന്തിനാ? വല്ല കുഴപ്പവും ഉണ്ടാകുമോ? നാട്ടിലേക്ക്‌ ബാങ്ക്‌ വഴിയാണ്‌ അയക്കാറുള്ളത്‌. ഹുണ്ടി ഇതുവരെ അയച്ചിട്ടില്ല. ചതിക്കല്ലേ.�
എന്നാലും ശമ്പളം എത്ര വരും? ദേ ഇതു നോക്കിയേ, ഇതില്‍ തൊട്ടു കാണിച്ചാല്‍ മതി.
5000-6000, 6000-7000, 7000-10,000
അയ്യോ സാറേ, ഇതൊന്നുമല്ല ശമ്പളം.
പേപ്പറിങ്ങ്‌ താ, ഞാന്‍ എഴുതിക്കാണിക്കാം.
1000-2000
ശരിക്കും പറ. ഇതാണോ നിങ്ങളുടെ ശമ്പളം? ഇതുകൊണ്ടെങ്ങനാ? മൂന്ന്‌ കൂട്ടികള്‍ സ്‌കൂളില്‍ പഠിക്കുന്നു, രണ്ട്‌ എല്‍.സി.ഡി ടി.വി, കംപ്യൂട്ടര്‍ രണ്ടെണ്ണം.
നിങ്ങള്‍ സത്യം തന്നെ പറഞ്ഞോളൂ. ഇതൊരു സര്‍വേക്കാണ്‌. വേറെ ആരോടും പറയില്ല.
സത്യായിട്ടും ഇതുതന്നാ സാറേ. ഞാനെന്തിനാ കള്ളം പറയുന്നത്‌.
ആട്ടെ, അപ്പോള്‍ എന്താണ്‌ നിങ്ങളുടെ ജോലി?
ജോലിയൊക്കെ ഉണ്ട്‌ സാറേ. അല്ലാതെ എങ്ങനാ ഇവിടെ കഴിയുന്നേ? പിന്നെ കംപ്യൂട്ടറും ടി.വിയുമല്ലേ? അതൊക്കെ കേടായപ്പോള്‍ അറബി കളയാന്‍ തന്നതാ. ഞാന്‍ കൊണ്ടുപോയി നന്നാക്കി പിള്ളാര്‍ക്ക്‌ കൊടുത്തു.

9 comments:

Anonymous said...

Yes , Exactly , This is the situation of most of the Malbarees

Anonymous said...

Sarvey ennath munkalangalil changala valich boomi alannirunna reethiyil ninnum vanna maataman kottakanakin sarvey

Thahir said...

good

wardah said...

നര്‍മ്മത്തില്‍ ചാലിച്ച നിങ്ങളുടെ
ബ്ലോഗുകള്‍ എനിക്ക് ഇഷ്ടമാണ്

അവസാനത്തെ മല്ബുവിന്റെ
വാക്കുകള്‍ നന്നായി

wardah said...
This comment has been removed by the author.
Karthika said...

Good one...
naatileyum sthithi valiya mecham onnum alla..
kaaranam ethra chodichalum kodukkan rakshithaakkal thayyaraan ennu thanne.
malayalam medium school il thucha fees aaya 5 roopayo pathu roopayo chodichal
prathikarikkunna aalkkar, "public School" ukalil fees, donation ,charity, "....."Days thudangi ethra paisa chodichalum status keep cheyyan adutha divasam thanne ethikkum . pinne aarund survey question cheyyan

sheebarnair said...

വളരെ നന്നായിരിക്കുന്നു...
നന്മകള്‍.

tazim said...

എനിക്ക് വയ്യ ....എന്തൊക്കെ കുതുകുലം ആകുന്നു പിള്ളേരെ ഒന്ന് നേരെ ചൊവ്വേ "ആക്കിയിടുക്കുവാന്‍"

എം.അഷ്റഫ്. said...

താസിം, ഷീബ, കാര്‍ത്തിക, വാര്‍ധ, താഹിര്‍ അങ്ങനെ എല്ലാവര്‍ക്കും ഒരുപാട് നന്ദി.
സ്‌നേഹപൂര്‍വം, അഷ്‌റഫ്‌

Related Posts Plugin for WordPress, Blogger...