എല്ലാരും ഉണ്ടല്ലോ?
അയമു പച്ചച്ചെങ്കൊടി, ഉദയന് ഇടപെടല്, ബൈജു പത്രാങ്കുരന്, ഹരി പിളര്പ്പന്,
മമ്മു കാലുവാരി, അന്ത്രു ബാഗുപിടിത്തക്കാരന്, ചവച്ചിറക്കി മല്ബു.
എന്താ ഇത്ര അമാന്തം, വേഗം വേഗം വര്വാ.
പന്തിക്കു മുമ്പ് ചര്ച്ചയിലേക്ക് കടക്കണം.
വളരെ ഗൗരവമായൊരു വിഷയം ആലോചിക്കാന് വേണ്ടിയാണ് ഇന്നെല്ലാവരോടും ഇവിടെ വരാന് പറഞ്ഞത്. എല്ലാവരും സശ്രദ്ധം കേള്ക്കേണ്ട സംഗതിയാണ്. ഒരാള് കേട്ടില്ല, മനസ്സിലായില്ല, ആക്കിപ്പറഞ്ഞു എന്നൊന്നും പിന്നീട് പറയാന് ഇടവരരുത്.
പത്രങ്ങളും ടി.വിയും നോക്കാന് വയ്യാതായിരിക്കുന്നു. എവിടെ തിരിഞ്ഞു നോക്കിയാലും ഹുറൂബിന്റെ കാര്യേ കേള്ക്കാനുള്ളൂ.
ഇങ്ങനെ പോയാല് നമ്മളെയൊക്കെ ഹുറൂബുകാര് കൂട്ടം ചേര്ന്ന് വെട്ടിനുറുക്കി തിന്നാലും വലിയ അത്ഭുതമൊന്നും പറയാനുണ്ടാവില്യ. സാമൂഹിക സേവനം, രാഷ്ട്രീയ പ്രര്ത്തനം എന്നൊക്കെ പറഞ്ഞോണ്ടാണല്ലോ നമ്മുടെയൊക്കെ നില്പ്.
പ്രവാസികളുടെ ക്ഷേമാണല്ലോ എല്ലാരുടേയും ലക്ഷ്യം.
അക്കൂട്ടത്തില് പത്രത്തിലൊരു ഫോട്ടോ, ടി.വിയിലൊരു ഡയലോഗ്, ഏറ്റവും കൂടിയാല് എല്ലാരും കൂടിച്ചേര്ന്നുള്ള ഒരു ആദരവും പുരസ്കാര സമര്പ്പണവും. അതിലൊന്നും ആരെയും കുറ്റപ്പെടുത്താനൊന്നും പറ്റില്യ.
മത്സരമൊക്കെ വേണ്ടതുതന്നെ. സേവിക്കുന്നവര് മത്സരിക്കുമ്പോള് നേട്ടം സഹായം ആവശ്യമുള്ള പാവങ്ങള്ക്കു തന്നെ.
ലക്ഷങ്ങള് ചെലവാക്കി തീര്ഥാടനത്തിനു വരുന്നവരെ സേവിക്കാനും സഹായിക്കാനും എന്തായിരുന്നു മത്സരം. ഹാജിമാര്ക്ക് വഴി പറഞ്ഞു കൊടുക്കുന്നതും തളര്ന്നുവീണ ഹാജിക്ക് കഞ്ഞി കൊടുക്കുന്നതും യഥാസമയം പത്രത്തിലും ടി.വിയിലുമെത്തിച്ച് നാലാളെ അറിയിക്കാനും കണ്ടു മത്സരം.
സേവിക്കാനൊരു ഹാജിയെ തേടി സേവകര് മത്സരിച്ചപ്പോള് പോലീസുകാരന് ചോദിച്ചൂത്രെ- വഴി തെറ്റിയ ഒരാളെ ടെന്റിലെത്തിക്കാന് എത്ര കാശാ വാങ്ങുന്നതെന്ന്. താന് ഇന്നയാളാണെന്ന് പറഞ്ഞിട്ടും തളര്ന്നുവീണ ഹാജിയില്നിന്ന് പ്രതികരണമില്ലാതായപ്പോള് നടന്നു തുടങ്ങിയ മല്ബുവിനോട് പോലീസുകാരന് അങ്ങനെ ചോദിച്ചതില് അത്ഭുതമൊന്നുമില്ല. മിസ്രി ഹാജിക്കെന്തിനു മല്ബു സേവനം? അയാള്ക്കെങ്ങനെ ബാഡ്ജ് തിരിയും?
കാടടച്ച് വെടിവെക്കരുത്. ഹാജി സേവനം പേരിനു വേണ്ടി ഉപയോഗിച്ചത് ആരാന്ന് വെച്ചാ തുറന്നങ്ങു പറയണം -മമ്മു കാലുവാരിക്ക് സഹിച്ചില്ല.
സേവക്കു പോകുന്നവര് കുറച്ചു പബ്ലിസിറ്റി കൊതിക്കുന്നത് അത്ര വലിയ അപരാധമൊന്നുമല്ല. ബാഡ്ജും കുത്തി അവിടെ സ്വന്തക്കാരെയും കാത്തിരിക്കയായിരുന്നില്ല. സേവനം ചെയ്യുക തന്നെയായിരുന്നു -ബാഗു പിടിത്തക്കാരന് അന്ത്രുവിന്റെ തകര്പ്പന് മറുപടി.
വിഴുപ്പലക്കണ്ടാട്ടോ. ഇത്ര നിസ്സാരമായ കാര്യങ്ങള്ക്കുവേണ്ടി മത്സരിക്കാന് തുടങ്ങിയാല് എന്താകും പാവം പ്രവാസികളുടെ ഗതി?
മത്സരിക്കാന് വേറെ എന്തൊക്കെ കിടക്കുന്നു. ഹുറൂബ് തന്നെയെടുക്കാം. ആയിരക്കണക്കിനാളുകളല്ലേ ഈ കെണിയില് കുടുങ്ങിക്കിടക്കുന്നത്.
എല്ലാരും കൂടി മത്സരിച്ചാല് എന്തെങ്കിലും ഒരു വഴി കണ്ടെത്താന് കഴിയില്ലേ?
ഇതിലൊന്നും ചെയ്യാന് കഴിയില്ലാട്ടോ. വരുമ്പോള് സൂക്ഷിക്കണായിരുന്നു. അംബാസഡറുടെ നിലപാട് തന്നെയാ ശരി -ബൈജു പത്രാങ്കുരന്.
ഇങ്ങനെയൊരു ഗതിയിലകപ്പെടും എന്നു അറിഞ്ഞുകൊണ്ടല്ലല്ലോ പത്രാങ്കുരാ ഇങ്ങോട്ടാരും വരുന്നത്. വന്നു കുടുങ്ങിപ്പോകുവല്ലേ. പുറമെ ജോലിയെടുക്കുന്നതിനായി കഫീലിന് കൃത്യമായി കാശ് കൊടുക്കുന്നവര് ഒരു സുപ്രഭാതത്തില് ഹുറൂബാകുവാണല്ലോ. പണിക്കാരന് ഓടിപ്പോയീന്ന് റിപ്പോര്ട്ട് ചെയ്യുമ്പോള് സ്പോണ്സര്ക്ക് പുതിയ വിസക്ക് വഴി തുറക്കുന്നു.
പ്രവാസികളെ പൂര്ണാവകാശമുള്ളവരാക്കിയെന്നും പറഞ്ഞ് മന്ത്രിമാര് ഇന്ദ്രപ്രസ്ഥത്തില് വിശ്രമിക്കുകയാണല്ലോ? അവര്ക്ക് പണവും പിന്തുണയും തേടുന്നവര് ഇവിടെയുണ്ടല്ലോ? എന്തുകൊണ്ട് സമ്മര്ദം ചെലുത്തുന്നില്ല -ഹരി പിളര്പ്പന് ഗംഭീര പ്രസംഗം തുടങ്ങി.
പ്രവാസികള്ക്ക് വോട്ടവകാശം നേടിക്കൊടുത്തത് വലിയ കാര്യം തന്നെയാണ്. അതിനെ പരിഹസിക്കരുത് -അയമു പച്ചച്ചെങ്കൊടി ചാടി വീണു.
അതിന്റെ ക്രെഡിറ്റ് രവി സാറിനാ. വേറെ ആരും പങ്കുപറ്റേണ്ട -ഉദയന് ഇടപെടല് നിരുത്സാഹപ്പെടുത്തി.
ഇതിപ്പോ തര്ക്കം നീണ്ടു പോകാനേ തരമുള്ളൂ.
പരിഹാരത്തിന് എന്തേലും നടക്കണമെങ്കില് രവീനേം അഹമ്മദിനേം ഇങ്ങോട്ടു കൊണ്ടുവന്ന് ഒന്നു ഹുറൂബ് ആക്കണം.
അതിനെന്താ ഒരു വഴി? അപ്പോഴേ അവര്ക്ക് ബോധ്യാകൂ. ഹുറൂബ് കെണിയില് കുടുങ്ങി മൂന്നും നാലും വര്ഷമായി നാട്ടില് പോകാനാവതെ ഇവിടെ കഴിയുന്നവരുടെ കണ്ണീരും സങ്കടവും ചവച്ചിറക്കി മല്ബു ഐഡിയ വെച്ചങ്ങു കാച്ചി.
എടോ, മന്ത്രിമാരെ ഹുറൂബാക്കുക പ്രായോഗികമല്ല -മമ്മു കാലുവാരി യാഥാര്ഥ്യം പറഞ്ഞു.
തല്ക്കാലം ഇങ്ങനെ ചെയ്യാം. ഹുറൂബ് അനന്തമായി നീണ്ടുപോയാല് കാത്തുകാത്തിരുന്ന് നേടിത്തന്ന വോട്ടവകാശം വിനിയോഗിക്കാന് പ്രവാസികള് ബാക്കിയുണ്ടാവില്ലെന്നും ഇനിയും ഉറക്കം നടിക്കുകയാണെങ്കില് രണ്ടുപേരേം ഹുറൂബാക്കുമെന്നും മൊത്തം പ്രവാസികളുടെ ഒപ്പു ശേഖരിച്ചുകൊണ്ട് ഒരു ഭീമ ഹരജി നല്കാം -കാലുവാരി വിശദീകരിച്ചു.
അഹമ്മദ് എന്താക്കാനാ...ഹുറൂബുകാരെ കൊണ്ടുപോകാന് ട്രെയിന് സര്വീസ് തുടങ്ങുകയോ? ആദ്യം വകുപ്പ് മാറ്റിക്കൊടുക്ക് എന്നിട്ടു കാണാം -
അയമുവിന്റെ പച്ച ശരിക്കും ചെങ്കൊടിയായി.
5 comments:
തകര്പ്പന്
നല്ലൊരു ആക്ഷേപഹാസ്യം...
" രവീനേം അഹമ്മദിനേം ഇങ്ങോട്ടു കൊണ്ടുവന്ന് ഒന്നു ഹുറൂബ് ആക്കണം. "
കൊള്ളാം മാഷെ... നന്നായിട്ടുണ്ട്....
ഹുറൂബ് പ്രശ്നം വളരെ ഗുരുതരമാണ്. ആയിരങ്ങളാണ് കുടുങ്ങിക്കിടക്കുന്നത്.
പുതിയ വിസ സമ്പാദിക്കുന്നതിനായി സ്പോണ്സര്മാര് നിലവില് അവരുടെ കീഴിലുള്ളവരെ അപ്രത്യക്ഷരാക്കിക്കൊണ്ടിരിക്കുന്നു.
ഇന്ത്യ ഗവണ്മെന്റ് എല്ലാ സമ്മര്ദവും ഉപയോഗിച്ചെങ്കില് മാത്രമേ ഇപ്പോള് ഇവിടെ കുടുങ്ങിയവര്ക്ക് പൊതുമാപ്പിന്റെ ആനുകൂല്യത്തില് നാടു പിടിക്കാന് പറ്റൂ.
ബാവ, നൗഷു, മുഹമ്മദ് എല്ലാവര്ക്കും നന്ദി
Good piece, Ashraf. Focuses on the miseries caused by Horoob.
I think Horoob is a Saudi issue. Expats of other GCC states may not be aware of this.
Hussain
Post a Comment